خطوة صح لحياة
تستحقها
من أول استفسار لحد ما تدخل مدرج الجامعة إحنا
بنكون معاك خطوة بخطوة
من نحن...!
إحنا "خطوة" – مجموعة شباب عشنا تجربة السفر والدراسة بره، وعرفنا كويس قد إيه البداية ممكن تكون صعبة، وغالبًا مافيهاش حد يوجّهك أو يطمنك. علشان كده قررنا نحط خبرتنا في إيدك، ونكون معاك خطوة بخطوة...
رحلتك مع خطوة
مبنعملش مجرد ورق.. إحنا بنبني مستقبلك على 3 أسس ثابتة، عشان خطوتك الأولى تكون في مكانها الصح.
بنرسم الطريق المناسب لإمكانياتك وميزانيتك.
استشارة وتوجيه
- تقييم شامل (مجموعك - لغتك - ميزانيتك).
- ترشيح المناسب ليك.
- توضيح كامل للتكلفة من غير مصاريف مخفية.
- ترشيح التخصص اللي ليه مستقبل فعلاً.
- عقد قانوني يضمن حقوقك من أول يوم.
سيب تعقيدات الورق والروتين علينا.
قبولات وإجراءات
- ضمان القبول في جامعات معتمدة دولياً.
- مراجعة وتجهيز ملف الفيزا باحترافية (بدون ثغرات).
- ترجمة وتوثيق الأوراق حسب قانون كل بلد.
- متابعة الملف مع الجامعة خطوة بخطوة.
- تجهيزك لمقابلة السفارة (لو مطلوبة).
بنكون اخواتك وضهرك هناك في الغربة.
وصول واستقرار
- استقبال خاص من المطار وتوصيل للسكن.
- بنساعدك في توفير خط للموبايل من اول ما توصل
- مساعدتك في إنهاء إجراءات الإقامة القانونية.
- وجود فريقنا معاك في نفس المدينة للدعم.
- دمجك وسط مجتمعنا عشان متحسش إنك لوحدك.
معايير خطوة لضمان جودة الرحلة
احنا مش بنتعامل معاك كـملف.. إحنا بنتعامل معاك كـأخ صغير مسؤولين عن مستقبله، ومش عايزينه يغلط نفس غلطاتنا
مش هتشيل هم أول يوم
أصعب لحظة هي "خضة" الوصول لبلد جديد. عشان كده بنكون مستنينك في المطار، بنوصلك لحد باب سكنك، وبنسلمك خط موبايلك فوراً عشان تطمن أهلك. بدايتك معانا أمان واستقرار
خطة على مقاسك
مفيش حاجة اسمها "أفضل جامعة في المطلق". فيه "أفضل جامعة لظروفك أنت". بنختارلك التخصص والمدينة اللي يمشوا مع ميزانيتك وشخصيتك
دعم حقيقي
علاقتنا بيك مش بتنتهي لما تستلم الفيزا. إحنا معاك (أونلاين) لأي استشارة عشان متحسش إنك لوحدك في بلد غريب.
نظام، مش مجهود فردي
ملفك مش تايه بين الموظفين. عندنا سيستم واضح لترتيب الورق والمواعيد والتقديمات، بيضمن إن مفيش ورقة تقع، ومفيش ميعاد يفوت، وإجراءاتك تخلص في أسرع وقت.
مستشار تعليمي.. مش مكتب سفريات
إحنا متخصصين في "المستقبل الأكاديمي"؛ فاهمين لوائح الجامعات، واعترافات الشهادات، ومستقبل التخصصات، فبنضمنلك قبول في مكان يبني مستقبلك بجد، مش مجرد سفرية وخلاص.
عشنا التجربة قبلك
إحنا مش موظفين بنسمّع كتالوج. إحنا شباب درسنا وعشنا وتعبنا في الغربة قبلك، وبننقل لك "الخلاصة" عشان متغلطش نفس غلطاتنا.
كيان رسمي.. موجود جنبك هنا وهناك
"خطوة" شركة مسجلة قانونياً وليها مقرات فعلية (فرع رئيسي في مصر، وموجودين معاك في تركيا وبولندا). كل تعاملاتنا محكومة بـ عقود رسمية تضمن حقوقك، ووجودنا في البلدين بيخلينا جنبك "على الأرض" مش بس أونلاين، عشان تكون مطمن إن ليك ضهر وسند حقيقي طول الرحلة.
أحدث المقالات والنصائح
نشاركك خبراتنا وتجارب الطلاب السابقين لتفادي العقبات وتحقيق أفضل النتائج في مشوارك الدراسي.
حدد وجهتك.. وابدأ مستقبلك
بين حضارة تركيا وسحر بولندا، نفتح لك الأبواب لأفضل الجامعات العالمية. اختر وجهتك وابدأ رحلتك.